UEFA ka njoftuar se ka nisur procesi i shitjes së biletave të ndeshjeve të Kampionatit Europian “Gjermani 2024”.
Përmes një njoftimi zyrtar, UEFA lajmëron se të gjithë të interesuarit që dëshirojnë të pajisen me bileta për ndeshjet e vitit të ardhshëm në Gjermani mund të hyjnë në faqen zyrtare të UEFA.com, përmes linkut https://www.uefa.com/euro2024/ticketing.
FSHF njofton opinionin publik se nuk shet asnjë biletë për tifozët e Kombëtares.
Tifozëve u kërkohet që të krijojnë një llogari në faqen zyrtare të UEFA-s dhe të aplikojnë për bileta për ndeshjet e preferuara të Kombëtares Shqiptare. Regjistrimi ka nisur dhe do vazhdojë deri më 12 Dhjetor 2023.
Kujtojmë se Kombëtarja Shqiptare është pjesë e Grupit B dhe do të ketë përballë Spanjën, Kroacinë dhe Italinë./Opinion.al
