Presidenti i Federatës Shqiptare të Futbollit, Armand Duka, ka reaguar pasi Shqipëria mundi 3-1 Azerbajxhanin, në miqësoren e fundit para Europianit
Përmes një postimi në rrjetet sociale, ai shkruan se skuadra shkon me moralin lart në Euro 2024.
Sipas tij në Europian nis pjesa më e bukur, të cilën lojëtarët duhet ta shijojnë dhe të japin më të mirën.
“Shkojmë me moralin lart drejt #Euro2024
Triumfojmë edhe në miqësoren e dytë ndaj Azerbajxhanit dhe tani është koha të mendojmë për duelet me të bukura, ato ndaj Italisë, Kroacisë dhe Spanjës.
Është një histori tjetër në Europian dhe duhet të shkojmë ta shijojmë dhe të japim më të mirën, për të vazhduar të jemi krenaria e shqiptarëve anembanë botës.
Tani nis pjesa më e bukur! Gjermani po vijmë!”, shkruan Duka.
