Sot në orën 21:00 takimi Francë – Rumani do të nisë Europianin që do të zgjasë 1 muaj. Në “Stade de France” do të luajnë rivalët e Shqipërisë në këtë turne të rëndësishëm.
Para ndeshjes hapëse të finaleve të “Euro 2016” do të zhvillohet ceremonia e hapjes së aktivitetit. Ylli i mbrëmjes është David Guetta, krijuesi i këngës zyrtare të Europianit. Në ceremoni do të përfshihen rreth 600 persona, madje edhe publiku që do të japë mesazhet e mirë se ardhjes për përfaqësueset pjesëmarrëse.
Franca si ekipi vendas është favorit që të shpallet kampione e Europës. Gjermania, Anglia dhe Spanja shikohen se kandidatët e tjera për titullin kontinental. Në këtë aktivitet pritet të befasojnë Belgjika, Portugalia apo Kroacia.
Përfaqësueset debutuese janë Shqipëria, Islanda, Irlanda e Veriut, Sllovakia, Uellsi. Faza finale e Europianit luhet për herë të parë ne 24 ekipe dhe kjo do të shtojë konkurrencën edhe pse në turin pasardhës kualifikohen 16 ekipe.
Dy vendet e para të secilit grup dhe 4 përfaqësueset me rendimentin më të mire, që e mbyllin në vendin e tretë do të vijojnë garën.
