Shqiptari tjetër që njihet si një nga ‘kokat’ e rrjetit ndërkombëtar të trafikut të drogës, me banim në Belgjikë, e për të cilin dje mediat greke raportuan se njihej me pseudonimin “Walter”, është Dhimitër Poti, biznesmeni nga Saranda, ish-pronar i kompanisë së ilaçeve “Chim Prod”.
Kështu raporton sot “Shqiptarja.com”, duke shtuar se ky shtetas që po hetohet për pastrim parash nga njësia TaskForcë në prokurorinë e Tiranës, rezulton të jetë njeriu kryesor i drejtimit të grupit kriminal të trafikut të drogës në disa shtete të Bashkimit Europian, grup në të cilin sipas autoriteteve greke bën pjesë dhe drejtori i Transportit në Sarandë, Klemend Balili ose “Keli”. Dhimitër Poti me banim në Belgjikë njihet me pseudonimin “Walter”, dhe zotëron në këtë shtet një kompani me emrin “RDGL Group BVBA”. Sipas gazetës, kompania që ndodhet në rrugën “Brixtonlaan 1930 Zaventem (Bruksel) administrohet nga anëtarët e një familje si Xhevavir Poti dhe Dhimiter Poti, të cilët kanë deklaruar një xhiro vjetore prej 15 mijë euro. Dje “kathimerini” shkrunate se “Një agjent i antidrogës greke tha për “Kathimerini” se rolin kryesor në grup e kishte 50vjeçari shqiptar, Dhimitër P., banues në Belgjikë”. Ai përdor pseudonimin “Valter”, zotëron shtëpi në Tiranë e Athinë, ndërkohë nga kërkimet e palës shqiptare u zbuluan depozita në banka prej 366.000 euro në Greqi, 460.000 euro në Shqipëri dhe 100.000 euro në Belgjikë.
Një nga kamionët e tij, që transportonte goma nga Brenda e Holandës në Londër, në prill 2015, u kontrollua imtësisht në Kalai të Francës.
