Vazhdojnë kërkimet për Klodin Lesin, burrin shqiptar që vrau në rrethinat e Selanikut një javë më parë bashkëshorten e tij greke për tu arratisur më pas me të birin.
Sipas gazetës greke Prothotema.gr, së cilës i referohet Opinion.al, në shkrimin me titull: “ E kanë parë vrasësin e vajzës sime dhe nipin tim në Mudania”, gazeta përcjell të dhëna të marra nga babai i gruas së vrarë njëkohësisht edhe gjyshi i Febos, nipit që vazhdon të jetë në arrati me babain e tij vrasës.
Ja shkrimi i plotë në Prothotema.gr.
Një grua ka denoncuar në policinë greke se ka parë shqiptarin në qendër të Athinës.
Por sipas babait të Lela Mavromatis, bashkëshortes që u ther nga Klodi Lesi, policia po bastis zonën pranë fshatit Flogita
Ndërkohë që zhvillime të reja vijnë nga zhdukja e të voglit Febo, i cili vazhdon të jetë i rrëmbyer nga babai i tij James Klodi Lesi
Pak orë më parë një grua ka kontaktuar me investiguesin privat Jorgo Tsoukali dhe i ka thënë se ka parë në Athinë shqiptarin që ka vrarë gruan për t’u zhdukur më pas me djalin e tij.
Ndërkohë që gjyshi i të voglit Febo ka folur për Protothema.gr, që ka marrë dëshminë e një taksisti që ka parë të arratisurin në zonën përreth Mudanya.
“Një taksist ka parë vrasësin e bijës sime bashkë me nipin në zonën përreth Mudanya, duke mbajtur në dorë një portofol të zi dhe një sasi parash”, ka thënë babai i gruas së vrarë duke shtuar: “Di që ish-burri i vajzës sime kishte një portofol lëkure të zi. Policia ka bastisur zonën pranë fshatit Flogita”
“Ndoshta mund të kemi ndonjë lajm sonte. Në gjurmët e zonës janë përqendruar edhe hetimet e policisë. Ka pemë, dhe ndoshta aty është fshehur në ndonjë pjesë.”
Siç ka shpjeguar babai i Lela Mavromatis: “Klodi Lesi me shumë mundësi ka dashur të marrë një autobus, por nuk ka mundur pasi e ka kuptuar që është vënë në ndjekje.”
“Nata do të jetë e gjatë. Do të doja që përgjegjësi për tragjedinë që i ndodhi bijës sime të vihet përpara drejtësisë dhe të gjeja sa më shpejt nipin tim. E kërkoj këtë me ndihmën edhe të Zotit. Nuk mund ta suportoj më këtë vuajtje”, ka thënë babai i gruas së vrarë.
Sipas të dhënave të fundit, policia po e kreh zonën pëllëmbë për pëllëmbë dhe familja e të voglit Febo shpreson akoma në një mrekulli. /Prothotema.gr Përktheu për Opinion.al Dritan Laci
