I varrosur më 10 shkurt të vitit 2006 në vendlindjen e tij në Ishëm të Durrësit, eshtrat e tij do të ndërrojnë vend.
Sic pretendon fondacioni “Kodra”, amaneti i piktorit të shquar ka qenë që të varrosej në Tiranë, në kodrat e Liqenit Artificial.
Për këtë qëllim, Ministria e Kulturës e Shqipërisë ka nisur procedurat e zhvarrimit të eshtrave të piktorit, por ka hasur në rezistencën e bashkëvendësve të tij.
Familjarë, miq dhe të afërm të piktorit Ibrahim Kodra të premten kanë dalë në protestë në zonën e Ishmit. Në mëngjes mjetet e komunales së Durrësit dhe të Tiranës kanë shkuar për të bërë transportin e eshtrave të piktorit, por nuk janë lejuar.
Banorët e Ishmit kanë penguar punonjësit e angazhuar për këtë proces dhe kanë thënë se janë të vendosur për të mos e lejuar zhvarrimin.
