Anglishtja e tij nuk ishte shumë e mirë atëherë, kështu që mendoj se nuk e kuptoi atë që i thashë”.
James Milner e kaloi gjithë sezonin 2016/17 në rolin e mbrojtësit të majtë te Liverpool. Ish-mesfushori i Anglisë nuk kishte dëshirë të luante jashtë rolit të tij, por ai është një profesionist dhe bëri atë që iu kërkuar.
Alberto Moreno nuk ishte më mes të preferuarve të trajnerit dhe Liverpool nuk kishte lojtarë të tjerë për atë pozicion. Milner kaloi me kosto zero te “Të Kuqtë” nga Manchester City në 2015-ën pjesërisht sepse donte të luante si mesfushor qendre, pozicioni i tij i preferuar.
Por, në fund, me përjashtim të dy ndeshjeve, ai ka luajtur si mbrojtës krahu. Madje, ai ka shënuar shtatë gola dhe ka dhënë tre asiste në atë pozicion. Gjithsesi, Milner ka pranuar se nuk i ka pëlqyer kjo eksperiencë.
“Hera e parë që kam qenë i detyruar të luaja mbrojtës krahu ka qenë në fushën e Manchester United, në Europa League”, ka thënë Milner për “Four Four Tëo”.
“Alberto Moreno ishte i dëmtuar dhe trajneri më dha një zgjedhje: doja të luaja mbrojtës i djathtë apo i majtë? Përgjigja ime ishte, “Është si të më pyesësh cilin nga këto burra do të zgjedhësh për ta kaluar natën me gruan tënde?!” Anglishtja e tij nuk ishte aq e mirë në atë kohë, kështu që mendoj se nuk mkë kuptoi”.
Moreno i ngjiti përsëri shkallët e hierarkisë brenda ekipit dhe ishte zgjedhja e parë e Klopp në muajt e parë të sezonit të kaluar. Pas një dëmtimi të spanjollit, Andreë Robertson ka shkëlqyer në atë pozicion. Kjo i dha mundësinë Milner të kthehet në mesfushë, ku ai tregoi të gjitha aftësitë e tija.
Milner regjistroi nëntë asiste në Champions League, një rekord në këtë kompeticion, me Liverpool që arriti në finale, ku u mund nga Real Madrid. Natyrisht, ai nuk ka më dëshirë të luajë si mbrojtës krahu. “Trajneri ma kërkoi dhe unë e bëra në mënyrën më të mirë të mundshme”, ka thënë ai.
“Nuk më pëlqen ai pozicion, por nëse trajneri të kërkon të luash në një pozicion të caktuar, duhet ta bësh. Unë i thashë se nuk e kisha me shumë dëshirë, por skuadra vjen para gjithçkaje”.
