Teksa ka dalë sot para gjykatës për t’u njohur me masën e sigurisë, është zbardhur dëshmia e ish-zyrtarit të policisë, Erzen Breçani.
Ai ka deklaruar se është në burg prej djalit të tij, të cilit i ka kërkuar të mos merret me trafikun e drogës.
“Jam në burg jam prej djalit. E kam këshilluar te mos merret me gjera te paligjshme. Nuk kam prova me çfarë merret im bir dhe nuk di konkretisht çfarë ka bërë. Vetë i kam shërbyer këtij vendi duke vënë edhe jetën në rrezik. Kam zhvilluar aksione dhe kam arrestuar njerëz te botes se krimit”, mësohet të ketë deklaruar.
Nga operacioni i SPAK u arrestua Erzen Breçani dhe u shpall në kërkim djali i tij Eralbi Breçani, të cilët akuzohen për “Përkrahje të autorit të krimit” dhe “Pastrim parash”.
