Kryeministri Edi Rama flet për një projekt tjetër të rëndësishëm në fushën e energjisë së rinovueshme. Bëhet fjalë për Erseka Solar Park.
Kreu i qeverisë thotë se nga ky park do të prodhohen 50 mln kWh në vit dhe do të sigurojë energji për rreth 12 mijë familje.
“Teknologji moderne dhe miqësore me ambientin, me një impakt të rëndësishëm social – ekonomik për zonën dhe më gjerë. Diversifikojme burimet e prodhimit të energjisë, duke rritur sigurinë energjitike, drejt objektivit për ta bërë Shqipërinë eksportues neto të energjisë deri në vitin 2030”, tha Rama.Parku është ndërtuar falë Ministrisë së Energjisë dhe institucioneve shtetërore. Ai ka kushtuar 18 milionë euro dhe është vënë në funksionim brenda një kohe rekord. Atje është implementuar teknologji inovative me panele bifaciale dhe struktura gjurmuese.
Mbi 100 banorë lokalë janë punësuar dhe trajnuar aty, ndërsa Bashkia Kolonjë ka përfituar deri më sot 200 mijë euro në taksa lokale. Kjo është vetëm faza e parë e këtij investimi të madh pasi synimi i qeverisë është 100 MW kapacitet total në Kolonjë.
