Zbulohen detaje të reja në lidhje me arrestimin e 4 personave të dyshuar si autorë të grabitjes së 3.2 milionë dollarëve të bankës BKT më 9 shkurt.
Burime jozyrtare bënë me dije për ‘BalkanWeb’ se një prej të arrestuarve, Ernest Kupa, nga Kruja, është një prej anëtarëve të bandës së babagjyshëve, që u akuzohen se vodhën një dyqan në një qendër tregtare, duke marrë 200 mijë euro. Teksa u pyet nga gazetarët për një implikim të mundshëm të Kupës me bandën e Babagjyshëve, drejtori i Policisë së Tiranës pohoi shumë shkurt se nuk mund ta thoshte dot asnjë rreth këtij fakti. “Nuk mund të them këtë nëse ka apo jo”, tha Hodaj.
Ngjarja në fjalë ndodhi në dhjetor, në vitin 2013. Pavarësisht se Ernest Kupa u arrestua në atë kohë, ai u la i lirë për mungesë provash. Kupa, aktualisht jetonte në Krujë, ndërsa burime zyrtare pohuan se ai kishte një biznes privat. Mes të arrestuarve sot ishin edhe Ditjon Memlikan, Neim Avdulaj dhe Fation Xhyliu, ndërsa në kërkim janë shtetasit me inicialet M.A dhe C.A
