Ermelinda Meksi ka mohuar në mënyrë kategorike përfshirjen e saj në krye të një qeverie teknike nëse kryeministri Edi Rama do të pranonte si zgjidhje për të sheshuar problemet parazgjedhore me opozitën.
Meksi ka reaguar për herë të parë për lajmin, duke mohuar kategorikisht faktin se ajo mund të jetë kryeministre e qeverisë teknike nëse kjo e fundit formohet, por nuk ka përjashtuar mundësinë e takimit dhe bisedës që ka pasur me kryeministrin Rama.
Në një reagim në “Facebook”, ajo shkruan se nuk ka lidhje fare me këtë lajm dhe se gjithçka është e pavërtetë.
Shënimi i plotë:
“Te nderuar miq, Sapo u njoha me lajmin e publikuar ne portalet dhe mediat online lidhur me te ashququajturat “prapaskena”politike ne Tirane .
Ne respekt tuaj dhe disa gazetareve serioze qe me kane kontaktuar ju informoj se ky lajm nuk ka asnje lidhje me personin tim. Lutem mediave ta heqin nga faqet online kete lajm si krejtesisht te pavertete. Ju uroj nje dite te mbare! E.Meksi”, shkruan në Facebook Ermelinda Meksi.
Kujtojmë se paraditen e sotme ka qarkulluar një lajm, ku thuhej se kohët e fundit ka patur një sërë bisedimesh intensive mes kryeministrit Rama dhe Ermelinda Meksit, e cila momentalisht është e angazhuar me një post drejtues në zyrat e Sekretariatit Ekonomik pranë OSBE në Vienë.
Po ashtu u përfol se në rastin e krijimit të një qeverie teknike, Meksi do të propozohej nga PS në vend të Ramës, si kryeministre; çka Meksi e hedh poshtë, por në reagimin e saj, ajo nuk e përjashton mundësinë e takimit dhe bisedimeve me kryeministrin Rama/ opinion.al
