Kryebashkiaku Erion Veliaj ka treguar disa detaje të pa thëna më parë për marrëdhënien e tij dhe jetesën me bashkëshorten Ajola Xoxa. I ftuar në emisionin ”Pop Culture”, kryetari i bashkisë Tiranë ka folur për problematikat e qytetit edhe jetën e tij personale dhe si e kalon kohë e lirë, ndonëse kjo e fundit sipas tij është reduktuar ndjeshëm për shkak të impenjimeve të ndryshme.
“Përgjithësisht dal me Ajolën. Në momentin që ajo thotë përtoj, dal me miqtë. Ajo ka një grup të vetin shoqëror dhe ndonjëherë bëhemi bashkë, kurse unë me çunat dal për kalçeto dhe birra. Nuk bëhem asnjëherë tapë. Kam një sens vetëkontrolli dhe një tolerancë të madhe. Pra, me të njëjtën dozë që shumica e miqve të mi bëhen tapë, unë jam akoma në fillim. Nuk po e them si mburrje. Hera e fundit që kam dalë ishte kur kishim një ditëlindje të një prej kolegëve në zyrë. Jam më i ftilluar seç dukem”, u shpreh kryebashkiaku./Opinion.al
