Prokuroria e Tiranës nis hetimet për protestën e thirrur nga Kryetari i Bashkisë së Tiranës, Erion Veliaj përpara Gjykatës Administrative të Apelit.
Organi i akuzës ka nisur hetimet kryesisht për akuzat, “organizim i paligjshëm i protestës” dhe “kanosje e fyerje” ndaj gjyqtarëve.
Prokuroria ka marrë si provë pamjet filmike të protestës së 11 Majit në Tiranë.
Pas verifikimeve, prokurorët do të vendosin nëse do të regjistrojnë procedim penal për ndonjë zyrtar të Bashkisë.
Kundër protestës reagoi sot edhe Këshilli Ekzekutiv i Konferencës Gjyqësore Kombëtare, si dhe këshilltarët e djathtë në Bashkinë e Tiranës.
Protesta e thirrur nga Veliaj ishte kundër lejes së ndërtimit të 5 pallateve 17 – katëshe poshtë digës së Liqenit.
