Për rreth 8 orë kryetari i Bashkisë së Tiranës, Erion Veliaj është marrë në pyetje nga prokurorët e SPAK për çështjen e inceneratorëve.
Në dalje tha për gazetarët se kishte shkuar në cilësinë e bashkëpunëtorit dhe kishte dhënë të gjitha shpjegimet e duhura.
Po ashtu, kryebashkiaku vlerësoi punën e SPAK, për të cilin tha se është bërë një investim “për së mbari”.
“Pak këtij takimi SPAK ma ka rritur bindjen se është bërë një investim për së mbari. Isha me dy kolegë hetues profesionistë. E vetmja gjë që mund të bëjmë është ti forcojmë institucionet mos ti përgojojmë mos të bëjmë rolin e tyre e prokurorë e gjyqtarë por të bashkëpunojmë, ishtë këtu si bashkëpunëtor, kisha kohë që kisha kërkuar një takim. Patëm një ezaurim total të çështjes së inceneratorëve, të gjithë shpjegimet e nevojshme. U thanë dhe disa detaje të tjera. Të dy kolegët hetues më kërkuan që për ccështje të hetimit dhe të sekretit hetimor duke qenë se bashkia ka dërguar dhe disa detaje të tjera, më kërkuan që të mos i ndaj me gazetarët disa detaje. Ndihem mirë që sot unë dhe ata që më duan ndihen të lehtësuar. Besoj se armiqtë e mi ndihen më të lehtësuar. Se unë besoj që një njeri duhet vlerësuar dhe nga armiqtë që bën. Çdo koment tjetër do tua jap pasi të mbaroj mbledhjen e këshillit bashkiak” u tha Veliaj gazetarëve që po prisnin para prokurorisë së Posaçme”,-tha Veliaj
Veliaj mbërriti në ambientet e SPAK rreth orës 9:00, ndërsa u prit edhe nga qytetarë para godinës së organit të drejtësisë, të cilët e cilësuan si hajdut.
