Presidenti i Turqisë, Recep Tayip Erdogan, përmes llogarisë së tij në rrjetin social “Twitter”, ka shprehur urimin me rastin e “8 Marsit”, Ditës Ndërkombëtare të Gruas, në mbi 10 gjuhë të huaja, përfshirë edhe shqipen, njoftoi agjencia zyrtare turke e lajmeve “Anadolu Agency”.
“Të gjitha grave të vendit tim e të gjithë botës i uroj gëzuar Ditën Ndërkombëtare të Gruas, 8 Marsin”, ka qenë mesazhi i presidentiT Erdogan në gjuhën shqipe në “Twitter”.
Gjuhët e tjera të përfshira përveç turqishtes dhe shqipes ishin ato malaje, urdu, boshnjake, perse, gjermane, ruse, spanjolle, frënge, arabe dhe angleze.
