Presidenti i Turqisë, Rexhep Taip Erdogan, ka premtuar në konferencën e sotme të zhvilluar me Kryeministrin Edi Rama se brenda 3 muajve qyteti i Fierit do të ketë një spital të ri të financuar nga qeveria turke.
Erdogan deklaroi se ndërtimi i këtij spitali është një grimcë për Turqinë, pasi në Stamboll kanë ndërtuar dy struktura spitalore me nga 1008 dhoma dhe 18 salla operacioni për pak kohë. Ai tha se brenda zgjedhjeve të 25 prillit spitali do të jetë gati.
“Mos të ketë merak, në Stamboll kemi ndërtuar 2 spitale me nga 1008 dhoma brenda pak kohe, duke qenë se do jetë më pak dhoma është një grimcë për ne. Përjashto që do i pajisim dhe me aspektin teknik.
Dhe në spitalet tona ka nga 18 salla operacioni, këtu mund të jetë më i ulët dhe nuk do kemi vështirësi. Mjekësia jonë do të dërgojë edhe mjekë që të trajtojë stafin shqiptar që do të punojë në Fier. Brenda një kohe të shkurtër spitali do ofrojë shërbimin. Brenda zgjedhjeve e ke gati”, u shpreh Erdogan./Opinion.al
