Presidenti i Turqisë, Recep Tayyip Erdogan, ka deklaruar se kurdët irakianë mund të vuajnë urie si pasojë e masave ndëshkimore pas referendumit të pavarësisë.
Erdogan ka akuzuar kreun e qeverisë rajonale të Kurdistanit për ‘tradhëti’ dhe për nxitje të votimit pavarësisht nga kundërshtimet ndërkombëtare. Erdogan ka kërcënuar kurdët se do të ndalë tubacionet e naftës dhe do të ndalojë kamionët që kalojnë kufirin e Turqisë.
Turqia ka frikë se formimi i një shteti të pavarur kurd në kufi të vendit do të ushqejë ndjenjën separatiste në pakicën e kurdëve që jetojnë në Turqi.
Rezultatet e referendumi ende nuk janë shpallur, megjithatë pritet një ‘po’ e fuqishme.
Krerët kurdë kanë deklaruar se rezultati i referendumit automatikisht do të thotë ‘deklaratë e pavarësisë’, por ata kanë shtuar se me anë të negociatave do të fillojë shkëputja me qeverinë qendrore në Bagdad dhe me vendet fqinje.
Kryeministri irakian, Haidel al-Abadi, referendumin e kanë quajtur ‘jokushtetues’.
