Një 18 vjeçar mbeti i plagosur dje teksa ishte ulur në bar-kafe. Ngjarja ka ndodhur në rrugën e “Barrikadave” në mesditë, kur Tirana dhe një sërë qytetesh u përfshine nga një stuhi ere.
Polici beri te ditur se 18 vjecari me iniciale S.H është jashte rrezikut për jeten.
“Nga kati i fundit i një pallati, janë shkëputur dy pllaka betoni të cilat kanë rënë në verandën e një kafeje duke dëmtuar në dorë dhe në kokë shtetasin S.H, vjeç 18 banues në Tiranë, i cili pasi ka marrë ndihmën mjekësore në spital është larguar për në banesë, bën të ditur policia.
Ngjarja më tragjike ishte ajo e Vlorës, ku si pasojë e erërave të forta dje një person humbi jetën. Viktima Ramadan Kaçi ka qenë duke kaluar rrugën kur i ra vetrata e xhamit mbi kokë. Mësohet se 67-vjeçari ndërroi jetë në spitalin e Vlorës.
/Opinion.al
