Kreu i SPAK, Altin Dumani deklaroi se institucioni që drejton është në gjendje të kryejë hetime të guximshme.
Në tryezën e organizuar nga Qendra për Studim dhe Demokraci, Dumani thotë se kjo gjë ka dëshmuar se epoka e paprekshmërisë po lëkundet.
Kreu i SPAK-ut deklaroi se kanë goditur edhe organizata kriminale të cilët janë të përfshirë në vepra penale shumë të rënda.
Sipas tij vetëm në vitin 2024 janë sekuestruar dhe konfiskuar asete me vlerë 59 milionë Euro.
“SPAK ka treguar se është në gjendje në respektim të ligjit dhe Kushtetutës të kryejë në pavarësi të plotë hetime të guximshme kundër zyrtarëve të lartë shtetërorë, çka dëshmon se epoka e paprekshmërisë po lëkundet. Hetimet tona kanë goditur edhe grupe kriminale të përfshira në trafiqe ndërkombëtare të drogës, pastrim parash, trafikun e qenieve njerëzore
Marrëdhëniet me Interpol Eurpol janë intensifikuar. Goditja ndaj korrupsionit të zyrtarëve të lartë ka bërë progres. 59 mln euro të sekuestruara, këtu përfshihen kriptovalutat që përdoren masivisht nga organizata kriminale. Kemi një rritje të ndjeshme të procedimeve për pastrimin e parave.
Lufta kundër korrupsionit ngelet sfidë për institucionin tonë. Jemi në fazën e konsolidimit të institucionit. Jemi në një fazë të re që i takon konsolidimit të institucionit.
Besimi po rritet, të gjithë vijën pas ligjit. Lufta kundër korrupsionit kërkon bashkëpunim të ngushtë mes prokurorëve dhe institucioneve të tjera. Duhet të keni besim për hetimet komplekse. Çdo ndikim i jashtëm nuk do cenojë misionin tonë”, u shpreh Dumani.
