Mjeku Pëllumb Pipero është kthyer në një nga personazhet më të dashur për publikun gjatë situatës së koronavirusit. Daljet e tij në media dhe informacioni i përcjellë kanë qenë shumë të dobishme për një pjesë të madhe të njerëzve të cilët kanë patur pyetje të ndryshme lidhur me këtë situatë të pazakontë.
Por me gjithë popullaritetin në rritje, doktor Pipero rënë pre e lajmeve dashakeqe në adresë të tij.
Në një njoftim në Facebook, ai tregon se si një qytetari i është dërguar një mesazh në emër të tij ku i kërkonte të vetëkarantinohej sepse një i afërmi i tij kishte rezultuar pozitivë ndaj testit të COVID-19.
Doktor Pipero jo vetëm e ka mohuar këtë veprim por shton se në një situatë të tillë ai është i dëmshëm. Ai paralajmëron gjithashtu se kushdo që tallet me të tilla mesazhe sot në emër të tij dhe të kolegëve gjithashtu do të përballet me ligjin.
Njoftimi i mjekut Pipero:
Te Dashur Qytetare!
Sapo lexova nje mesazh te tille i cili jo vetem nuk eshte dhe nuk mund te jete i imi, dhe si i tille eshte i denueshem, por mbi te gjitha eshte shume i demshem per situaten qe kalon jo vetem vendi yne por gjithe bota nen peshen e nje pandemie shume serioze qe deri tani ka shenuar mijera viktima, dhe per te cilen ende nuk kemi nje arme ne dore per ta luftuar, as medikamente te certifikuara dhe as vaksine.
E vetmja arme qe kemi,eshte ne duart tuaja, te qendroni ne shtepi, te beni durim dhe te respektoni keshillat tona. Mesazhe si ky qe po lexoni jane shume te demshme, madje dhe te denueshme! Keshilloj kedo qe guxon e shkruan ne emrin tim sot, ose te kolegeve te mi neser, te mos luaje kesisoj.
Sot ne kemi perballe coronavirusin dhe duhet te mjekojme te semuret e te gjurmojme e identifikojme rastet e kontaktit, neser ligji do gjurmoje e vere para pergjegjeise te gjithe ata qe guxojne te luajne me jeten e qytetareve!
Falemnderit!
Emrin e maresit te mesazhit e kam fshire! /Opinion.al
