Një sasi tritoli është vendosur pas mesnate në sheshpushimin e shkallëve të katit të 5 të pallatit “Riviera” në Tiranë të Re. Tritoli ka shpërthyer duek shkaktuar një zhurmë të fuqishme dhe dëme të konsiderueshme, por fatmirësisht pa viktima.
Shpërthimi ndodhi rreth orës 01:30 të ditës sotme në rrugën “Margarita Tutulani”, pranë gjimnazit “Petro Nini Luarasi”, një lagje në zemër të Tiranës. Përmes burimeve nga policia mësojmë se tritoli ka qenë i lidhur me fitil. Një person me maskë ka hyrë në pallat dhe ka ndezur fitilin dhe më pas është larguar.
E gjithë ngjarja është e veshur me mister. Policia nuk ka dhënë ende asnjë informacion zyrtar se kush ishte objektivi i këtij tritoli? Nuk dihet ende cilat janë familjet që banonin në katin e 5-të të pallatit ku ndodhi shpërthimi. Sakaq burimet thonë se nuk kishte persona të skeduar të botës së krimit në pallatin “Riviera”.
Po kështu nuk dihen as shkaqet dhe as autorët e ngjarjes së rëndë që vendosi në gjendje në paniku gjithë banorët e zonës. /Opinion.al
