Në një sekuencë pyetje-përgjigje në Instagram, Eni Koçi ndau disa detaje me ndjekësit e saj përmes opsionit “Ask Me a Question” (Më bëj një pyetje). ”A ke bërë ndonjë operacion plastik”,-e pyet dikush.
”Meqë më dole në temë, në moshën 13-vjeçare kam pasur një problem shëndetësor dhe jam operuar me shumë urgjencë në hundë. Nga ana shëndetësore u bëra mirë më pas, por operacioni la pasoja estetike dhe deri në moshën 16-17 vjeç nuk mund ta rregulloja. Ndërhyra prap për të rregulluar operacionin e parë dhe rezultoi që kisha probleme me frymëmarrjen. Kështu shkoi 7 orë operim. Për të gjithë ata që plasën duke thënë për operacionet, i them të informohen mirë dhe të mos gjykojnë nga disa foto profesionale (ku është mëse normale që lëkura të pastrohet) dhe oburra të thonë që ka bërë gjithë fytyrën dhe trupin”.
E ftuar te “Xing me Ermalin” në tetor të 2017-s, Eni e kaloi me diplomaci pyetjen e Ermalit se “a ka bërë ndërhyrje estetike dhe a është e vërtetë që ka rimodeluar gishtat e këmbës”.
“Do doja shumë t’i hiqja e t’i tregoja, por të merresh me llafet e dynjasë nuk mbaron kurrë,” u përgjigj këngëtarja.
Ndër të tjera, në InstaStory ajo tregoi që:
-Beson në Zot dhe pëlqen shumë harmoninë fetare, pasi një Zot është për të gjithë;
-Nuk ka operacione plastike te vithet;
-Në 2019-n, do të bashkëpunojë me artistë shqiptarë dhe të huaj. Kënga e re lançohet pas festave;
-Nuk i ka ndërprerë studimet në Angli.
