Me sa duket zhgënjimin që pati në Festivalin Europian, Eneda Tarifa nuk ka mundur ta mbajë vetëm për vete. Ajo ka shfrytëzuar një intervistë të Aurela Gaces lidhur me përvojën e saj në Eurosong, për të shprehur pakënaqësitë, që më shumë se sa me festivalin apo votimin u adresohen shqiptarëve, kritikës dhe sidomos medias, që duke mos qenë artistë nuk dinë t’i kuptojnë hallet e vuajtjet e tyre.
Në fakt për të fat të mirë, pritshmëritë e shqiptarëve këtë vit nuk qenë shumë të larta nga Eurosong, ndaj më pak se kushdo nga artistët që na ka përfaqësuar në këtë event, Eneda duhej të ndjehej e sulmuar dhe të kuptonte që dashamirësia nuk mungon.
Sidoqoftë, është në natyrën njerëzore, që shkakun e dështimit ta shikojë tek të tjerët dhe kurrë tek vetja.
