Prof.Dr.Ethem Ruka ka folur mbi zhvillimet më të fundit të shkencës, në fushat që zgjojnë kureshtjen e njerëzve.
I ftuar në emisionin “Studio e Hapur” me Eni Vasilin në News24, ish-ministri i Arsimit është ndalur tek shkenca e nanoteknologjisë dhe tek ajo e bioteknologjisë.
Profesor Ruka tha se shpikjet e reja në këto fusha ndihmojnë në gjetjen e mundësive të reja për të përmirësuar jetën e njeriut.
“Lëvizja transhumaniste përfshin rryma filozofike dhe teknicienë të teknologjive të larta. Mitin e jetëgjatësisë e gjejmë edhe në shkrimet më të vjetra të njerëzimit. Kjo dëshirë është gjetur që në “Epin e Gilgameshit”, ku heroi kërkonte bimën e pavdekësisë. Më tej, flitet në filozofinë kineze, dhe në mitologjinë greke. Tashmë me evoluimin e shkencës fokusi është vendosur tek zbulimi i mundësive të reja për të përmirësuar dhe zgjatur jetën e njeriut”, u shpreh Prof.Dr.Ethem Ruka.
Sipas tij, me ruajtjen e qelizave staminale mund të shërohen shumë sëmundje që mund të prekin një person./BW/
