Prokuroria e Posaçme kundër Korrupsionit dhe Krimit të Organizuar, ka kërkuar konfiskimin e pasurive Gëzim Cafit, pasi dyshohet se rrjedhin nga krimi.
Cafi është deklaruar fajtor për kryerjen e veprës penale “Vrasje me paramendim”, e kryer në bashkëpunim, e mbetur në tentativë, dhe “Mbajtje pa leje e armëve dhe municioneve luftarake”.
Me kërkesë të SPAK, Gjykata e Posaçme e Shkallës së Parë Për Korrupsionin dhe Krimin e Organizuar ka vendosur konfiskimin e pasurive të paluajtshme, si më poshtë:
Pasuria e llojit truall, me sipërfaqe 900 m2, e cila ndodhet në Shkodër, në emër të personit të lidhur me subjektin/shtetases Violeta Cafi;
Objekti tre katësh, me një sipërfaqe ndërtimi në total 900 m2, me destinacion Bar -Restorant – Hotel, i cili ndodhet në Shkodër, në emër të personit të lidhur me subjektin/shtetases Violeta Cafi.
