Policia e Lezhës ka arrestuar në një shpellë në zonën e Kalasë së këtij qyteti, 33-vjeçarin Valentin Kovaçi.
Dyshohet se ky i fundit po fshihej aty që prej datës 7 mars, ditë në të cilën ka sulmuar një 30 vjeçare, duke i vjedhur me dhunë çantën e dorës. Por jo vetëm kaq! I riu ka tentuar edhe ta përdhunojë.
Gjatë kontrollit në vendin ku ai fshihej, shërbimet e Policisë gjetën dhe sekuestruan në cilësinë e provës materiale një portofol dhe dy telefona celularë të dyshuar të vjedhur.
Materialet i kaluan Prokurorisë të Lezhës për veprime të mëtejshme ligjore.
