Të shtëna me armë zjarri janë regjistruar gjatë orëve të mbrëmjes zonën e Don Boskos në Tiranë.
Mësohet se si pasoj e të shtënave ka mbetur i plagosur një 31-vjeçar nga Laçi i identifikuar si Leo Hera, i cili është paraqitur në Spitalin e Traumës rreth mesnatës.
Sipas informacioneve, i riu është qëlluar me armë zjarri në këmbë dhe ndodhet jashtë rrezikut për jetën.
Ai është marrë në pyetje nga Policia pas asistencës mjekësore për rrethanat e ngjarjes, por nuk ka treguar detaje që mund të identifikojnë autorin.
Njoftimi i Policisë
Me datë 02.11.2020, rreth orës 23:05, është njoftuar Salla Operative se në spital është paraqitur shtetasi L.H., 31 vjeç, i dëmtuar në këmbë, jashtë rrezikut për jetën.
31-vjeçari ka kallzuar se në rrugën “Don Bosko”, është plagosur me armë zjarri në këmbë nga një person ende i paidentifikuar.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit si dhe sqarimin e plotë të rrethanave të ngjarjes. / Opinion.al
