Aksidentohet në kokë punëtori i një firme të prodhimit të gëlqeres dhe policia ka prangosur bznesmenin, pronarin e firmës.
Sipas policisë, një ditë më parë punëtori 34-vjeçar me inicialet N. I,, banues në fshatin Kamenicë, punonjës në këtë firmë, gjatë punës në grumbullimin e gurëve për prodhimin e gëlqeres, është aksidentuar me një gur në kokë.
Sot policia njoftoi se ka arrestuar në flagrancë pronarin e kësaj firme sepse akuzohet për “shkelje të rregullave të mbrojtjes në punë”.
Policia e Korçës ka bërë të ditur se ka arrestuar Andon Ropin, 50 vjeç, banues në fshatin Leshnjë, pronar i një firme të prodhimit të gëlqeres në këtë fshat.
Pas marrjes të ndihmës mjekësore në Spitalin e Korçës, i riu është transportuar për në Spitalin Ushtarak në Tiranë, për mjekim më të specializuar.
