Një 35-vjeçar, i identifikuar si Emirjon (Mirush) Hasaj dhe i shpallur në kërkim për plagosjen e një shtetasi me armë zjarri u arrestua në Malësinë e Madhe.
Policia njoftoi se 35-vjeçari Emirjon (Mirush) Hasaj u kap në Bajzë.
Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Plagosja e rëndë me dashje” dhe “Prodhimi dhe mbajtja pa leje e armëve luftarake dhe municionit”.
Ngjarja ka ndodhur në shkurt të këtij viti ku për motive të dobëta u plagos shtetasi Genti Dulaj 32 vjeç.
