Gentian Berberi është komanduar në detyrë si drejtori i ri i Policisë së Shkodrës.
Berberi, aktualisht mban postin e Drejtorit të Policisë së Kukësit.
Ky emërim erdhi pas shkarkimit nga detyra të Drejtorit të Policisë Shkodër dhe shefit të Komisariatit, lidhur me situatën e ndërtimeve pa leje në zonën e Thethit.
Kujtojmë se prej tre ditësh IKMT-ja ka vijuar me aksionin për shembjen e ndërtimeve pa leje në Theth, ku ditën e djeshme, 9 korrik, ndryshe nga dy ditët e para, ata janë përplasur me banorët dhe pronarët e bujtinave, objektet e të cilave janë kategorizuar si të paligjshme.
Banorët kërkojnë t’u jepet kohë për ekzekutimin e vendimeve të prishjes së objekteve, konkretisht pas përfundimit të sezonit veror.
