Policia e Shkodrës ka vënë në pranga një 46-vjeçar, të cilit iu gjetën në banesë 1 armë zjarri, 2 armë gjahu, 5 radio marrëse-dhënëse, një palë dylbi dhe një sasi municioni luftarak, sende që posedoheshin në mënyrë të kundërligjshme.
Nga verifikimet e mëtejshme rezultoi se ky shtetas ishte i shpallur në kërkim për veprën penale “Kultivimi i bimëve narkotike”, pasi akuzohet se në bashkëpunim me shtetas të tjerë, gjatë viteve të fundit, ka kultivuar bimë narkotike, në fshatrat Pult, Xhan dhe Alavana.
Në pranga ka rënë shtetasi Nik Lami, 46 vjeç, banues në fshatin Xhan.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër./Opinion.al
