Një 42-vjeçar shqiptar është arrestuar në Firence të Italisë, pasi akuzohet për trafik të kokainës.
Mësohet se i arrestuari është identifikuar si Erando Mara, i cli punonte si furnizues kafeje dhe pijeve të tjera. Por, duke përfituar leja e lëvizjes së tij për punë dhe gjatë pandemisë, ka furnizuar me drogë zona të ndryshme të Italisë.
Mediat italiane raportojnë se gjatë ndalimit nga autoritetet policore shqiptari është shfaqur mjaft nervoz, gjë që ka çuar në dyshimet e forcave të rendit për një kontroll të detajuar të auotmjetit të tij tip Toyota Corolla.
Me ndihmën e qenve antidrogë nën sediljen e shoferit u gjet 3.5 kg kokainë e konfeksionuar në 3 pako e 1 kg tjetër u gjet e fshehur në një vend të modifikuar të makinës.
Shqiptari u vu në pranga me akuzën e trafikut të 4.5 kg kokainë e në banesën e tij në Faenza ku u sekuestruan 37 mijë euro dhe 1,300 euro të tjera të cilat i kishte me vete në momentin e ndalimit.
Autoritetet policore italiane informojnë se 42- vjeçari shqiptar Erando Mara, ishte ndaluar nga policia rrugore dhe në ditën e Pashkëve për verifikim të motivit të lëvizjes së tij, por pa iu kontrolluar automjeti./ Opinion.al
