Policia e Tiranës ka arrestuar një avokat, nën akuzën për mashtrim. Ai dyshohet se ka mashtuar familjarët e një personi që kishte humbur jetën në një aksident rrugor dhe nuk u ka dorëzuar dëmshpërblimin për dënim shëndetësor. Policia tha se avokati është Myrteza Myftari, 56 vjeç.
“Ky shtetas është arrestuar, pasi u padit nga personi me inciale M.S. Më datë 02.05.2013, avokati ka marrë një shumë prej 2 722 424 lekë (të reja) si dëmshpërblim për dëmin shëndetësor me pasojë vdekjen për shtetasin F.R., shumë të cilën nuk ia ka dorëzuar familjes të së ndjerit”, thuhet në njoftimin e policisë. Prokuroria do ta hetojë për “shpërdorim detyre” dhe “mashtrim”.
