Një 34 vjeçar është vënë në pranga nga policia në Gramsh. Atij iu gjetën 80 doza heroinë.
Policia tha se i i arrestuari është Aldi Përfundi. Gjatë kontrollit të ushtruar në banesën e tij në Gramsh dhe gjatë kontrollit fizik u gjet dhe u sekuestrua sasia e drogës.
Gjithashtu u sekuestrua automjeti i tij me targa “AA 007 BE”.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” .
Operacioni “Start” u finalizua në kuadër të një hetimi proaktiv të ndjekur prej kohësh me metoda speciale të hetimit, bëri të ditur policia.
