Siç u bë e ditur edhe më herët një person ka rënë në pranga për vrasjen e Devi Kasmit mbrëmjen e së hënës në Tiranë. Opinion.al ka mësuar se personi i shoqëruar në Drejtorinë e Policisë së Tiranës, është Mario Meshini. Sakaq në njoftimin për mediat thuhet se ai dyshohet se ka bashkëpunuar në krim. Ndërsa në kërkim për ngjarjen, si autor i vrasjes është shpallur Domart Konjari. Burimet thanë se Meshini ka bashkëpunuar, por nuk ka qene ekzekutori që ka shtier mbi Kasmin.
Njoftimi i policisë
Ne vijim te veprimeve te kryera nga grupi i posaçem i ngritur prane Drejtorise Vendore te Policise Tirane ne bashkepunim te ngushte me Prokurorine prane Rrethit Gjyqesor Tirane per zbardhjen e vepres penale “Vrasja me paramendim”, ”Prodhimi dhe mbajtja pa leje e armëve luftarake dhe e municionit” e kryer në bashkëpunim u ndalua shtetasi M.M. i dyshuar si i perfshire ne vrasjen e shtetasit D.K. Hetimi vijon me intensitet dhe per momentin nuk behen me dije te dhena te tjera.
