Policia italiane ka identifikuar të riun shqiptar në Itali që kaloi në vdekje klinike, pasi u qëllua me pistoletë në kokë nga një karabinier mbrëmjen e së premtes.
Ngjarja ka ndodhur në Monte San Giusto, ku shqiptari nën drejtimin e një makine të vjedhur, po përpiqej të shtypte me makinë dy efektivë, të impenjuar në kontrolle për disa vjedhje të ndodhura në disa apartamente.
Shqiptari kishte disa identitete, një ndër ta është edhe emri Klodjan Hysa.
Megjithatë, policia italiane dyshon se ende nuk ka arritur të zbulojë identitetin e vërtetë të të riut shqiptar, pak a shumë, rreth moshës 30-vjeç.
Sipas mediave lokale, i riu dyshohet se është shqiptar, pasi në xhep i është gjetur një certifikatë shqiptare.
Kushtet e fytyrës së tij, e bëjnë të vështirë identifikimin nëpërmjet fotos në certifikatë.
Sipas informacioneve të para, plumbi e ka goditur shqiptarin pasi ka bërë rikoshetë në makinë.
