Një 55-vjeçar i shpallur në kërkim ndërkombëtar është kapur në Durrës. Policia bën me dije se Edmond Kanakçiu (Kondakçiu), rezulton te jetë i dënuar në Itali, me 25 vjet e 8 muaj burgim për trafikim të lëndëve narkotike. 55-vjeçari është vënë në pranga me qëllim ekstradimin drejt Italisë.
“Është arrestuar Edmond Kanakçiu (Kondakçiu), 55 vjeç, banues në lagjen nr., 13 Durrës, pasi autoritetet gjyqësore të Perugia-s, Itali, pas dhënies së vendimit për dënimin e 55-vjeçarit me 25 vjet e 8 muaj burgim, për veprën penale “Trafikimi i lëndëve narkotike”, kanë lëshuar urdhër arresti ndërkombëtar në ngarkim të tij”-njofton policia.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./Opinion.al
