Është zbardhur plagosja e ndodhur më 13.09.2020 ku në aksin rrugor Kosovë e Vogël-Jeta e Re, Njësia administrative Fiershegan, ku qëllua me armë shtetasi M. A.
Polica e Shtetit njofton se në pranga ka rënë 47-vjeçari Adriano Shabanaj banues në Roskovec. Gjatë momentit të kapjes, 47-vjeçarit i janë gjetur dhe sekuestruar 9 aparate celularë dhe një shumë prej 2000 euro.
Gjithashtu u bë shpallja në kërkim shtetasi I. A., 31 vjeç, banues në fshatin Poshnjë, Berat, i dënuar më parë për veprën penale “Prodhim dhe mbajte pa leje e armëve dhe municionit luftarak”.
Gjykata e Shkallës së Parë Lushnjë, me vendimin e datës 11.06.2021, ka caktuar masat e sigurisë “Arrest me burg“, për veprat penale “Plagosje e rëndë me dashje” dhe “Mbajtje pa leje e armëve dhe municionit luftarak”, për shtetasin A. Sh. dhe për veprën penale “Moskallëzimi i krimit” për shtetasin I. A.
Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme./ Opinion.al
