Një 55-vjeçare, e cila ishte shpallur në kërkim për shfrytëzim prostitucioni, është ndaluar në pikën Kufitare të Kapshticës.
Bëhet me dije se në prangat e policisë ka rënë Fëllëzë Saliaj, e cila ishte dënuar me 7 vite burg.
Gjykata e Apelit e Vlorës ka lënë në fuqi vendimin e Gjykatës së Fierit për dënimin e kësaj shtetaseje, me 7 vjet burgim, për veprën penale “Shfrytëzimi për prostitucion”, në rrethana rënduese.
Në vitin 2005, shtetasja Fëllëzë Saliaj ka shfrytëzuar për prostitucion, një shtetase tjetër. “Veprimet e mëtejshme procedurale u kryen nga Drejtoria Vendore e Policisë Fier.”, thuhet në njoftimin e policisë./Opinion.al
