Një makinë është djegur rreth orës 01:00 në lagjen “5 Maji” në qytetin e Elbasanit. Automjeti tip “Audi” me tagë AA 774 TE rezulton në pronësi të shtetasit të identifikuar si Marsel Karanxha.
Sipas informacioneve, bëhet me dije, se automjeti ishte i parkuar pranë banesës ku jeton Karanxha. Makinës i është thyer xhami i përparmë dhe më pas është përdorur edhe benzinë për të djegur automjetin.
Automjeti është djegur pjesërisht pasi shërbimi zjarrfikës arriti të vërë nënkontroll flakët. Dyshimet paraprake janë për zjarrvënie të qëllimshme , ndërsa po hetohet për zbardhjen e ngjarjes.
Brenda pak kohësh në Elbasan janë djegur rreth katër makina të cilat dyshohet se kanë qenë zjarrvënie të qëllimshme. / Opinion.al
