Një 51-vjeçar, është arrestuar nga policia lidhur me aksidentin e ndodhur mbrëmjen e së shtunës në aksin rrugor Çukë-Fanar.
Policia bën me dije se është vënë në pranga 51-vjeçari Theofan Kaishi, autor i aksidentit ku humbi jetën Mariglen Dauti, 47 vjeç, banor i fshatit Metoq.
Kaishi, ishte duke udhëtuar me mjetin e tij Hyndai në aksin rrugor Çukë-Fanar kur është përplasur me një motomjet që drejtohej nga Mariglen Dauti, i cili nga përplasja ka ngelur i vdekur në vend.
Pritet konkluzioni hetimor nga eksperti autoteknik për të përcaktuar shkakun. Duhet thënë edhe fakti që aksi rrugor ku ka ndodhur aksidenti ka qenë në errësirë të plotë.
