Policia ka parandaluar përshkallëzimin e një konflikti në Dibër.
Një 39-vjeçar përndoqi bashkëshorten e tij, e cila po shkonte në gjykatë, ku do të zhvilohej seanca për ndarjen.
Në momentin që bashkëshortja e tij, e shoqëruar nga një person tjetër, janë futur në një dyqan, 39-vjeçari ka hyrë në ambientet e dyqanit, është konfliktuar dhe ka tentuar të godasë sëpatë bashkëshorten dhe mikun e saj.
Gjithashtu, gjatë konfliktit 39-vjeçari ka dëmtuar disa orendi në dyqanin ku zhvilloi konfliktin.
Sipas policisë gruaja ishte pajisur me urdhër mbrojtjeje.
Ndërkaq policia ka neutralizuar dhe ka vënë në pranga 39-vjeçarin Xhevahir Likola, banues në Burrel.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
