Një ngjarje tragjike ka ndodhur ditën e sotme në Torovicë të Lezhës. Një masiv shkëmbor është shkëputur dhe për pasojë ka rënë mbi një automjet ku udhëtonin tre persona, dy meshkuj dhe një femër të cilët kanë humbur jetën. Viktimat janë Edmond dhe Valentin Zefi, vëllezër dhe bashkëshortja e njërit prej vëllezërve Alda Gjergji e cila ishte shtatzene.
Sipas njoftimit të policisë shkëmbi i shkëputur ka rënë mbi fuoristradën “Land Rover” me targë AA 322 CV.
Deri në këto momente , janë identifikuar 3 viktima të cilët ndodheshin brenda në mjet, pasi gjysma e mjetit është e shtypur dhe mbuluar nga masivi shkëmbor.
Shërbimet policore në bashkëpunim me Prokurorinë e Rrethit Gjyqësor Lezhë, zjarrfikëset dhe ambulancën ndodhen në vendngjarje për veprime të mëtejshme.
