Dy persona kanë rënë në pranga pasi tentuan të përfitonin një shumë të madhe parash, nga një biznesmen duke u prezantuar si përfaqësues të një personi publik.
Policia bën me dije se në kuadër të operacionit “Repeat” u arrestuan Alban Gjoni dhe Rudor Balla. Gjithashtu u shpall në kërkim shtetasi F. L., 25 vjeç, bashkëpunëtor i tyre.
Sipas policisë këta persona kanë tentuar të mashtrojnë një biznesmen, për të përfituar shumën 50 000 euro.
Në cilësinë e provës materiale u sekuestruan 8250 euro, 25 000 lekë, 1 automjet dhe 1 aparat celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
