Shtatë persona janë vënë në pranga nga policia pas disa muajsh hetimi. Policia e Tiranës bën me dije se shtatë të arrestuarit u prangosën gjatë operacionit antidrogë të koduar “SEVEN”, ku u sekuestruan 1 kilogramë e 257.8 gramë lëndë e dyshuar narkotike “Kokainë”.
Finalizimi i këtij operacioni u bë pas një hetimi disa mujor në bashkëpunim me Prokurorinë pranë Gjykatës së Shkallës së Parë Tiranë ku për shtetasit e lartëpërmendur posedoheshin informacione se ushtronin këtë aktivitet të kundraligjshëm.
Nga specialistet kundër narkotikëve është bërë e mundur kapja në flagrancë me një sasi lënde narkotike të dyshuar si “kokainë” dhe “canabis sativa”, raporton panorama.
Materialet proceduriale i’u dërguan Prokurorisë pranë Gjykatës së Shkallës së Parë Tiranë për veprën penale “Prodhim dhe Shitje të narkotikëve në bashkëpunim”.
Të arrestuarit
- Mikel Mitri, 45 vjeç, banues në Tiranë
- Enea Mitri, 23 vjeç, banues në Tiranë
- Donjet Zaloshnja, 33 vjeç, banues në Tiranë
- Selim Rama, 28 vjeç, banues në Tiranë, i dënuar më parë për disa vepra penale.
- Aurel Kafeja, 26 vjeç, banues në Tiranë.
- Indrit Barçi, 26 vjeç, banues në Tiranë.
- Llazar Buhani, 53 vjeç, banues në Berat.
U sekuestrua
- Sasia prej 1 kilogramë e 257.8 gramë lëndë e dyshuar narkotike “Kokainë”.
- Sasia prej 41.4 gramë lëndë narkotike e dyshuar “Kanabis sattiva”.
- Shuma prej 12.800 euro.
- 15 Telefona celualare.
- 3 automjete.
- 2 peshore elektronike.
