Emrat/ Lista e kandidatëve për deputetë të PS-së

Në Partinë Socialiste është duke iu dhënë dora e fundit listës së kandidatëve për deputetë. Sipas informacioneve jo zyrtare, në listat e reja pritet të ketë disa emra surprizë, ashtu sikundër se pritet që disa prej emrave të njohur të selisë rozë të mungojnë në këto lista.

Qarku i Beratit duket se do të kryesohet nga Blendi Klosi dhe Ermonela Felaj, por në listë për këtë qark figuron edhe emri i ish-kryebashkiakut Fadil Nasufi.

Qarku i Lezhës duket se do të pësojë ndryshime, aty listës nuk do t’i prijë më emri i Mimi Kodhelit, po ai i një ministri tjetër të kabinetit Rama, Lindita Nikollës dhe emri i Pjerin Ndreut.

Kodheli ndërkohë do të kryesojë listën e Kukësit dhe pas saj si kandidat për deputet pritet të renditet dhe Safet Gjici, një emër risi ky. Qarku i Dibrës do të kryesohet nga Ilir Beqja, Agron Malaj, ndërsa në Shkodër Ditmir Bushati, Keti Bazhdari e Paulin Sterkaj duket se do të jenë emrat kryesor në listë.

Nga ana tjetër vetë kryesocialisti Rama do të vijojë të kandidojë në Vlorë, ku pas tij në listë pritet që të renditen emrat e Damian Gjiknurit dhe Edmond Lekës. Lista e Qarkut të Elbasanit nis me Taulant Ballën dhe Evis Kushin, por në këtë listë nuk mungon emri i Anastas Angjelit dhe Luan Duzhës, i cili në këtë legjislature ka qenë përfaqësues i LSI-së dhe në zgjedhjet e ardhshme do të garojë për PS-në.

Milva Ikonomi dhe Fidel Ylli kryesojnë listën e qarkut të Durrësit, ndërsa në Fier Gramoz Ruçi, Elisa Spiropali dhe Erion Braçe. Qarku më i madh në vend, ai i Tiranës hapet me emrin e Saimir Tahirit si kandidat i parë dhe pas tij renditen Olta Xhaçka, Pandeli Majko, Vasilika Hysi, Fatmir Xhafaj, Blerina Gjylameti, Arben Ahmetaj etj.

Në Korçë, përveç Niko Peleshit pritet të garojnë edhe Eduart Shalsi e Arta Dade. Ndërsa në Gjirokastër nuk do të garojë më Bashkim Fino, emri i të cilit figuron në listën e Fierit, por Blendi Çuçi, Mirela Kumbaro etj.

QARKU BERAT

Blendi Klosi
Ermonela Felaj
Armand Shameti
Anila Agalliu
Fadil Nasufi