Një 52-vjeçar ka rënë në prangat e policisë së Tiranës, pasi akuzohet për shit-blerje votash. Policia bën me dije se në kuadër të operacionit “Premtuesi” është vënë në pranga 52-vjeçari Kristo Agalliu, si dhe u referuan materialet në Prokurori për shtetasin Agron Duraj, i cili është proceduar penalisht në gjendje të lirë.
Këta persona janë shfaqur në një video, duke komunikuar me njëri-tjetrin, për shit-blerje votash për një subjekt politik.
“Me naftë, me të tëra gjërat edhe ke 4 vota. 100 mijë Lekë është turp. Hajt t’ja marrim kot, ja marrim po është turp 100 mijë Lekë…. Ti 2 vota ke, unë kam 4 vota. Unë kam 4 pa…Mua të më hedhi karburantin ai..edhe 100 mijë Lekë edhe 50 mijë Lekë naftë. Hajt pazari i fundit”, dëgjohet qytetari A.D. duke biseduar në telefon.
Materialet i kaluan Prokurorisë së Posaçme kundër Korrupsionit dhe Krimit të Organizuar, për veprime të mëtejshme./Opinion.al
