Komisariati numër 2 i Policisë në Tiranë i ka bërë kërkesë 10 gjyqtarve që të dorëzojnë armët, të cilat i kishin me leje sipas ligjit të vjetër.
Mësohet se gjyqtarët kanë 10 ditë kohë. Kjo vjen pas hyrjes në fuqi të ligjit “për armët”.
Më herët, Ministria e Brendshme kërkoi nga funksionarët e lartë të vendit si deputetë, gjyqtarë e prokurorë të dorëzojnë armët.
Njoftimi i Policisë
Në zbatim të Ligjit nr. 74/2014 “Për Armët”, nga Drejtoria e Përgjithshme për Sigurinë Publike është dërguar strukturave vendore të Policisë
së Shtetit, LetërPorosia së Nr. 123, datë 26.02.2016 “Për masat që duhet të merren dhe procedurat që duhen ndjekur nga strukturat
vendore të policisë, për zbatimin e ligjit “Për Armët”.
Strukturat vendore të policisë kanë hartuar Plane Veprimi me detyra konkrete të përcaktuara për grumbullimin e armëve të dhëna me leje
sipas ligjit nr. 7566, datë 25.05.1992 “Për Armët”, i shfuqizuar, dhe vazhdon puna për grumbullimin e armëve nga subjektet fizikë dhe juridikë.
Nga strukturat vendore të Policisë janë njoftuar zyrtarisht me shkrim personat të cilët janë pajisur me armë sipas ligjit të vjetër, për
dorëzimin e armëve. Nga informacionet e marra nga strukturat vendore të policisë, janë pajisur me armë zjarri 350 zyrtarë për shkak të
detyrës (Prokurorë, Gjyqtarë, Deputetë, Kryetar Bashkie, Ish Kryetar Komunash, Policia Pyjore, Hetimi Tatimore, Përmbarues Gjyqësor etj).
Deri në datë 31.03.2016 janë grumbulluar 168 armë dhe kanë mbetur pa grumbulluar 182 armë zjarri (pistoleta).
Nga të dhënat që disponon Policia e Shtetit, institucionet më problematike në dorëzimin e armëve të zjarrit janë kategoria Gjykatë/Prokurori.
Procesi i grumbullimit të armëve të dhëna me leje, sipas legjislacionit të shfuqizuar, po vazhdon me intensitet nga Komisariatet dhe Drejtoritë Vendore të Policisë.
Gjyqtarët që u kërkohet dorëzimi i armës janë, sipas Neës24:
Artan Zeneli
Marin Doda
Përparim Kozeli
Gentjan Çela
Dritan Broci
Kreshnik Omari
Majlinda Data
Alkelina Metushi
Sokol Tona
