Policia ka dhënë informacion zyrtar në lidhje me atentatin e ndodhur sot në Tiranë, k,u kanë mbetur të plagosur me armë zjarri katër persona.
Policia bën me dije se mes të plagosurve, dy prej tyre janë të mitur. Konkretisht, personat e plagosur janë Arens Stafa 34 vjeç, Kian Mullai 19 vjeç, dhe dy të mitur D. D. 11 vjeç dhe M. D. 17 vjeç.
Mësohet se tre nga të plagosurit janë jashtë rrezikut për jetën, ndërsa 11-vjeçari është në gjendje të rëndë shëndetësore.
Ndërkohë, është ngritur grupi hetimor dhe nën drejtimin e Prokurorisë vijon puna për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
