Nga dy familjet Zykaj që u vranë nga dora e kushëririt, Ritvan Zykaj, kane mundur te shpetojne vetem tre djem. Ata ishin me fat, por me traume tashme per gjithe jeten, pasi percollen ne banesen e fundit me te shtrenjtet e tyre.
Besim Zykaj, ka lënë pas tashmë vetëm një djalë 18 vjeç, i cili nuk ndodhej në banesë në momentin e masakrës.Albi Zykaj bëhet e ditur se punonte si kuzhinier në zonën e Dhërmiut. Ndërsa nga ana tjetër, nga familja e Azem Zykajt, dy djemtë e tij (Falko dhe Ariel, 24 dhe 19 vjeç) nuk ndodheshin në banesë në momentin e ngjarjes së rëndë. Një prej djemve mësohet se jeton si emigrant në Greqi.
Demir Zykaj (gjyshi) përveç dy djemve (Besimit e Azemit) që vdiqen dje, ka dhe një djalë tjetër, familja e të cilit nuk është prekur nga kjo ngjarje.
Viktimat:
Demir Zykaj 76 vjeç (kryefamiljar), Perri Zykaj 76-vjeç (bashkëshorte); Besim Zykaj 45-vjeç (i biri), Vasilika Zykaj 40 vjeç (bashkeshorte e Besimit), Sara Zykaj 17 vjeçe (vajza e Besimit) Ledion Zykaj 6 vjeç (djali i Besimit); Azem Zykaj 49 vjeç (i biri), Afërdita Zykaj 47-vjeç (bashkeshorte e Azemit).
